Firwat sinn d’Jongen- a Meedercherskierper anescht? Wou komme Beebee‘en hier? Dat  sinn typesch Froen, déi d‘Kanner am Alldag beschäftegen. Lescht Woch hat den C2.2 d‘Geleeënheet, op dës Froen eng verständlech Äntwert ze kréien. D‘Schoulhiewamm war op Besuch an hat eng spannend Stonn fir d‘Kanner matbruecht!

Mat vill Häerz an Erfarung huet si de Kanner de Kierper vum Jong/Mann an dem Meedchen/Fra erkläert. D‘Kanner hunn opgepasst, nogefrot an nei Saache geléiert, déi hinnen hëllefen, hire Kierper besser ze verstoen.

Mee dat war nach net alles! Fir de Kanner d‘Thema nach méi spannend a verständlech ze maachen, huet d‘Schoulhiewamm hinnen d‘Geschicht vum Cardamon erzielt – eng kleng Figur mat grousser Fantasie! De  Cardamon war iwwerzeegt, dass d‘Bebe‘en am Kabes wuessen. Mee de Bauer Tom huet sech Zäit geholl, fir dem Cardamon  mol richteg z‘erklären, wou d‘Bebe‘en hierkommen.

. Mir soen der Schoulhiewamm e grousse Merci fir dëse flotten Austausch!