Ënnert dem Motto „Kanner hëllefe Kanner“ huelen d’Schülerinnen a Schüler vum Zyklus 4 d’Saach selwer an d’Hand: Si organiséieren eng Talentshow, wou si hir Kreativitéit, hiert Kënnen an hiren Engagement weisen. Ob Gesang, Danz, Akrobatik, Zauberei oder Comedy – op der Bün ass alles erlaabt, wat de Public begeeschtert!

Mee dës Show ass méi wéi just Entertainment. D’jonk Organisateure verfollegen e wichtegt Zil: All Recette vun dem Owend ginn un d’Associatioun „Île aux Clowns“ gespent. Dës setzt sech mat vill Häerzblutt dofir an, kranke Kanner mat Humor a Laachen eng Freed ze maachen.

Mat vill Asaz këmmeren sech d’Kanner selwer em d’Organisatioun, de Casting, d’Bünebild, d’Moderatioun an de Programm ronderëm. Elteren, Frënn an Enseignanten si invitéiert, d’Talenter vun eiser Schoul ze bewonneren an dobäi nach eppes Guddes ze dinn.

Wéini? 27 Juni um 17 Auer
Wou? Centre Atert

Kommt laanscht, klappt mat, laacht mat – an ënnerstëtzt mat eis eng wonnerbar Saach!